Gürcüstanda səsyazısı qalmaqalı

DÜNYA 08 mar 2021, 07:37
Gürcüstanın paytaxtı Tbilisinin mərkəzində mülki fəallar və müxalifət nümayəndələri ölkənin Baş naziri İrakli Qaribaşvilinin istefası tələbi ilə etiraz aksiyası keçirib.
 
Bu barədə JİA.AZ “Sputnik Gürcüstan”a istinadən xəbər verir.
 
Aksiyaya müxalif “Pirveli” telekanalının efirində səsləndirilən audioyazı səbəb olub.
 
Sözügedən audioyazıda guya Bera İvanişvili (hakim “Gürcü arzusu” partiyasının yaradıcısı Bidzina İvanişvlinin oğlu-red.) və İrakli Qaribaşvili birincisini sosial şəbəkələrdə təhqir edən insanların cəzalandırılmasını müzakirə edirlər. Reportaj KİV və Gürcüstanın siyasi dairələrində ajiotaja səbəb olub.
 
Hakim “Gürcü arzusu”nda audioyazıda İvanişvili və Qaribaşvilinin səslərinin eşidilməsini inkar etmirlər, lakin vurğulayırlar ki, süjet ayrı-ayrı kəlmələrdən yığılıb.  
 
Müxalif partiyalar fərdi məlumatların qanunsuz yayılmasını qınayıblar. Onlar istintaqa başlamağa və ən azı proses bitənədək Baş nazir İrakli Qaribaşvilini vəzifədən azad etməyə çağırıblar.

DİGƏR XƏBƏRLƏR

Loading
XƏBƏR LENTİ
Top