Elxan Məmmədov: "Azərbaycanlı azarkeşlər Türkiyəyə böyük dəstək verəcək"

İDMAN 16 iyn 2021, 09:35

Bizim Türkiyə ilə köklərimiz birdir. Demək olar ki, eyni dilimiz var. Bu səbəbdən bir-birimizi başa düşürük. Bugünkü matçda azərbaycanlı yerli azarkeşlər Türkiyəyə böyük dəstək verəcək. Türkiyəli azarkeşlər üçün Bakıya səyahət etmək asandır".

"Jia.az"ın məlumatına görə, bu fikirləri AFFA-nın icraçı vitse-prezidenti Elxan Məmmədov bu gün Bakı Olimpiya Stadionunda keçiriləcək Avropa çempionatının A qrupunun Uels - Türkiyə oyunu barədə AFP-yə açıqlamasında bildirib.

Funksioner Türkiyə və Azərbaycan xalqlarının qardaş olduğunu bildirib: "Türkiyə Respublikasının Prezidenti Rəcəb Tayyib Ərdoğanın Azərbaycanın zəfərini qeyd etmək üçün burada olması iki ölkə arasındakı güclü əlaqələri göstərir. Bu, iki ölkə arasında qardaşlığın bir daha sübutudur. AFFA və Türkiyə Futbol Federasiyası AVRO-2020-nin püşkatması zamanı Türkiyə yığmasının oyunlarının Bakıya düşməsinə çox sevindi".

Qeyd edək ki, bu gün Bakı Olimpiya Stadionunda (BOS) keçiriləcək Uels - Türkiyə görüşü saat 20:00-da başlayacaq. Uels seçməsi iyunun 12-də BOS-da İsveçrə ilə heç-heçə edib - 1:1. Türkiyə isə Romadakı açılış matçında İtaliyaya uduzub - 0:3.

DİGƏR XƏBƏRLƏR

Loading
XƏBƏR LENTİ
Top