Bolqarıstanlı deputatlar azərbaycanlı həmkarlarına təbrik ünvanlayıb

XARİCİ SİYASƏT 12 okt 2021, 10:26

Bu günlərdə Milli Məclisə Bolqarıstan Respublikası Xalq Məclisinin Azərbaycanla Dostluq Qrupunun sədri Həmid Həmidin imzası ilə məktub daxil olub.

Milli Məclisin Mətbuat və ictimaiyyətlə əlaqələr şöbəsindən "Jia az"a verilən məlumata görə, Bolqarıstanla parlamentlərarası əlaqələr üzrə işçi qrupunun rəhbəri Rauf Əliyevin adına ünvanlanmış məktubda azərbaycanlı deputatlara Azərbaycanın Qarabağ uğrunda Vətən müharibəsində əldə etdiyi tarixi qələbənin ildönümü münasibəti ilə səmimi təbriklər çatdırılır, Ermənistanın işğalı nəticəsində Azərbaycan ərazisinə dəyən zərərin tezliklə aradan qaldırılması, regionda sülhün və əmin-amanlığın bərqərar olması arzusu ifadə olunur.

Təbrik məktubunda işğaldan azad edilmiş Azərbaycan torpaqlarında bərpa və yenidənqurma işlərinin qısa zamanda başa çatması, bu yerlərdən didərgin düşmüş insanların öz doğma yurd-yuvalarına geri qayıtması istəyi əks olunub.

DİGƏR XƏBƏRLƏR

Loading
XƏBƏR LENTİ
Top