“Şəhid ailələri və müharibə iştirakçıları arasında kiçik sahibkarlığın təşviqi” adlı təlimlərin icrasına başlanılmışdır.

CƏMİYYƏT 15 mar 2022, 06:21
 
 Azərbaycan Respublikası QHT-lərə Dövlət Dəstəyi Agentliyinin maliyyə yardımı ilə “Optimist" Sosial Problemlərin Həllinə Yardım İctimai Birliyi təşkilatı “Şəhid ailələri və müharibə iştirakçıları arasında kiçik sahibkarlığın təşviqi” ilə bağlı layihənin icrasına başlanılmışdır. 01.02.2022 ci il tarixindən etibarən layihə 4 ay müddətində davam edəcək. Layihəyə Bakı şəhərində yaşayan 50 nəfər şəhid ailə üzvləri və müharibə iştirakçıları cəlb edilmişdir. Məqsədi sahibkarlıq fəaliyyətinə aid ən zəruri biliklərin öyrədilməsi, şəhid ailə üzvləri və qazilərimizə dövlət tərəfindən verilən dəstəklərin effektiv istifadəsidir. Bir çox qurumlar bildiyimiz kimi qrant, ianə və imtiyazlı kredit dəstəklərini təqdim edirlər. Bu paketlərdən doğru yararlanmaq üçün aşağıdakı mövzularda təlimlər keçirilir:
-Biznes Planın hazırlanması;
-İşgüzar etiket;
-Maliyyə savadlılığının artırılması;
-Şəxsi brendinq;
-Təqdim etmə (prezentasiya);
-Effektiv danışıqların aparılması;
-Zamanın idarə edilməsi ;
 Layihə çərçivəsində sahibkarlıq fəaliyyəti ilə məşğul olan və ya məşğul olmaq istəyən 50 nəfər seçilərək təlimlərə cəlb edilmişdir. Tədrisin effeketivliyi üçün iştirakçılara 3 qrupa bölünərək müxtəlif uyğunlaşdırılmış saatlar təqdim edilmişdir. Təlimlər Etika Akademiyası mütəxəsisləri tərəfindən icra edilir. 

DİGƏR XƏBƏRLƏR

Loading
XƏBƏR LENTİ
Top