Yunan-Roma güləşçilərinin mübarizəsinə sabah yekun vurulacaq.

Rumıniyanın paytaxtı Buxarestdə keçirilən Avropa çempionatında yunan-Roma güləşi üzrə yarışlarda 5 dəst medal öz sahibini tapıb.

ONA-nın məlumatına görə, Şaban Donatın rəhbərlik etdiyi komanda günü 1 gümüş və 2 bürünc medalla bitirib. Yığmamızın heyətində İslam Abbasov çempionatı ikinci yerdə başa vurub. 87 kq çəki dərəcəsində finala kimi irəliləyən pəhləvanımız çempionluq üçün ukraynalı Jan Belenyukla üz-üzə gəlib. Təmsilçimizin qarşılaşmada öndə olsa da, yekunda 1:5 hesabı ilə uduzub. Komandamıza digər medalı Eldəniz Əzizli (55 kq) qazandırıb. Dünya və Avropa çempionumuz 3-cü yerlə kifayətlənib. O, bürünc medal uğrunda görüşdə Şerif Kılıcı (Türkiyə) 8:0 hesabı ilə məğlub edib.

63 kq çəki dərəcəsində mübarizə aparan Taleh Məmmədov da qitə birinciliyində fəxri kürsüyə yüksəlməyi bacarıb. Həmyerlimiz bürünc medal uğrunda Slavik Qalstyana 6:2 hesabı ilə qalib gələrək, 3-cü yeri tutub.

Bu güləşçilərdən fərqli, Elvin Mürsəliyev (77 kq) və Sabah Şəriəti (130 kq) təsəlliverici görüşlərdə uduzublar. Güləşçilərimizi müvafiq olaraq, Arsen Culfalakyan (Ermənistan) və Aleksu Çiure (Rumıniya) məğlub edib.

Yunan-Roma güləşçilərinin mübarizəsinə sabah yekun vurulacaq.

Qeyd edək ki, Avropa çempionatında sərbəst güləşçilərin yarışında Hacı Əliyev (65 kq), Cəbrayıl Həsənov (79 kq), Şərif Şərifov (92 kq) qızıl, Ağahüseyn Mustafayev (70 kq) gümüş, Mahir Əmiraslanov (57 kq) və Nurməhəmməd Hacıyev (97 kq) bürünc medal qazanıb.

Qadın güləşçilərin yarışında isə Elis Manalova (65 kq) fəxri kürsünün ən yüksək pilləsinə qalxıb. Alyona Kolesnik (57 kq), Elmira Qəmbərova (59 kq) və Tatyana Omelçenko (62 kq) qitə birinciliyini üçüncü yerdə bitirib.

www.jia.az

XƏBƏR LENTİ

Bakı-Sumqayıt-Bakı marşrutu üzrə bir sıra elektrik qatarlarının hərəkəti dayandırılacaq - CƏDVƏL


Cəbhəboyu zonada gecə təlimləri keçirilib - VİDEO


Yayım zəncirini əsaslı şəkildə qırmaq üçün daha sərt tədbirlərə ehtiyac var -TƏHLİL


Prezident İqtisadiyyat Nazirliyinə yeni səlahiyyət verdi


Nazirlik vergiödəyicilərinə müraciət edib


DTX-nin tutduğu XİN-in yüksək vəzifəli şəxsi: “10 faizini özümə götürürdüm” - VİDEO


DİN "Fairmont Baku" otelində keçirilən əməliyyatla bağlı məlumat yaydı - VİDEO


Karantin qaydalarını pozan istirahət mərkəzi cərimələnib - FOTO


Qəbələ, qədim Qafqaz Albaniya dövlətinin paytaxtı!


Əməkdar artist Tofiq Hüseynov vəfat edib


ARXİV